மாத்தளை - தம்புள்ள வீதியில் இரண்டு பஸ்கள் நேருக்கு நேர் மோதி விபத்து! 40 பேர் காயம் (Photos)

மாத்தளை தம்புள்ளை பிரதான வீதியில் நாவுல பகுதியில் இலங்கை போக்குவரத்து சபைக்கு சொந்தமான பஸ் ஒன்றும், தனியார் பஸ் ஒன்றும் நேருக்கு நோ் மோதிக்கொண்டதில் சுமார் 40 பேர் வரையில் காயமடைந்துள்ளதாக தெரிவிக்கப்படுகின்றது.

மாத்தளையிலிருந்து தம்புள்ளை நோக்கி சென்ற இலங்கை போக்குவரத்து சபைக்கு சொந்தமான பஸ் ஒன்றும், தம்புள்ளையிலிருந்து மாத்தளை நோக்கி சென்ற தனியார் பஸ் ஒன்றுமே நேருக்கு நோ் மோதிக்கொண்டன.

இச்சம்பவம் வெள்ளிக்கிழமை மாலை 4.30 மணியளவில் இடம்பெற்றுள்ளதாக நாவுல பொலிஸார் தெரிவிக்கின்றனர்.

இவ்விபத்தில் காயமடைந்தவர்கள் நாவுல மற்றும் மாத்தளை வைத்தியசாலைகளில் அனுமதிக்கப்பட்டுள்ளதாக பொலிஸார் தெரிவிக்கின்றனர்.

வாகன சாரதிகளின் கவனயீனம் காரணமாகவே இவ்விபத்து நோ்ந்துள்ளதாக நாவுல பொலிஸார் தெரிவிக்கின்றனா்.

இவ்விபத்து தொடா்பான மேலதிக விசாரணைகளை நாவுல பொலிஸார் மேற்கொண்டு வருகின்றனர்.