நாடாளுமன்ற உறுப்பினர் உபேக்க்ஷா சுவர்ணமாலியின் வாகனம் விபத்துக்குள்ளானது

மீரிகம பொலிஸ் பிரிவுக்கு உட்பட்ட வெயங்கொடை, மீரிகமை வீதியில் நாடாளுமன்ற உறுப்பினரும் நடிகையுமான உபேக்க்ஷா சுவர்ணமாலி பயணித்த கெப் வண்டி முச்சக்கர வண்டியென்றுடன் நேருக்கு நேர் மோதுண்டு நேற்று இரவு விபத்துக்குள்ளாகியுள்ளது.

இவ்விபத்தில் காயமுற்ற முச்சக்கர வண்டி ஓட்டுனர் வத்துப்பிட்டிவல வைத்தியசாலையில் அனுமதிக்கப்பட்டுள்ளதாக பொலிஸ் ஊடகப்பிரிவு தெரிவிக்கின்றது.

இவ்விபத்தில் நாடாளுமன்ற உறுப்பினருக்கு எந்தப்பாதிப்புகளும் ஏற்படவில்லை எனவும் பொலிஸார் தெரிவிக்கின்றனர். இவ்விபத்து தொடர்பில் நாடாளுமன்ற உறுப்பினர் உபேக்க்ஷா சுவர்ணமாலியின் வாகன சாரதி கைது செய்யப்பட்டுள்ளார். இது தொடர்பில் மேலதிக விசாரணைகளை பொலிஸார் முன்னெடுத்து வருகின்றனர்.