சுகாதார சேவை தொழிற்சங்கங்களின் பிரச்சினைகளுக்கு தீர்வு வழங்குமாறு ஜனாதிபதி பணிப்புரை

சுகாதார சேவை தொழிற்சங்கங்களின் பிரச்சினைகளுக்கு தீர்வுகளை வழங்குமாறு ஜனாதிபதி மஹிந்த ராஜபக்ஸ சம்பந்தப்பட்ட தரப்பினருக்கு ஆலோசனை வழங்கியுள்ளார்.

சுகாதார துறையின் 27 பிரிவுகளை சேர்ந்த ஒன்றிணைந்த தொழிற்சங்க பிரதிநிதிகள் குழுவினால் சமர்பிக்கப்பட்ட 5 யோசனைகள் தொடர்பில் ஜனாதிபதி கவனம் செலுத்தியுள்ளதாக ஜனாதிபதி ஊடகப்பிரிவு தெரிவித்துள்ளது.

அவற்றிற்குரிய தீர்வுகளை தயாரித்து 3 மாதங்களில் நடைமுறைப்படுத்துமாறு ஜனாதிபதி அதிகாரிகளுக்கு பணிப்புரை விடுத்துள்ளார்.

சுகாதார ஒன்றிணைந்த தொழிற்சங்க பிரதிநிதிகள் குழுவினருடன் நேற்று மாலை நடைபெற்ற பேச்சுவார்த்தையின் முடிவில் ஜனாதிபதி இந்த பணிப்புரையை விடுத்துள்ளார்.